Uncategorized

Është kënaqësi e veçantë të shpërndajmë lajmin e madh për të gjithë mjedisin studentor në vend ,se Tirana do të mirëpresë verën e ardhshme ,midis datave 25 qershor-04 korrik 2023, “Kampionatin Europian Universitar të Futbollit “. Për nëntë ditë rresht , Tirana do të ngjyroset nga qindra të rinj europian që do të përfaqsojnë 28 universitete nga më të mirët e Europës. Ky kampionat ,do të ndikojë fort në zhvillimin e Sportit Universitar në Shqipëri ,në shkëmbimet akademike, promovimin e qytetit të Tiranës ,turizmin etj. Kampionati “Tirana 2023”, do të dhurojë një atmosferë të papërsëritshme , duke kurorëzuar më së bukuri ,vitin e Tiranës si kryeqyteti sprotiv Evropian!

Në kuadër të përgatitjeve për Kampionatin Europian Universitar të Futbollit “Tirana 2023”, kryetari i bashkisë Tiranë, Z.Erjon Veliaj, priti në një takim të veçantë, personalitete të larta të Sportit Universitar Europian dhe atij botëror,si dhe drejtues vendor që kanë kaluar eksperienca të tilla. Qyteti-Universiteti-Sporti, ishte tema e diskutimit, ku u shkëmbyen eksperiencat më të mira, për të realizuar një kampionat dinjitoz, i cili për nga organizimi dhe numri i pjesëmarrësve është jo vetëm një nga më sfiduesit në programin EUSA, por është në të njëjtën kohë edhe një nga ngjarjet kryesore të saj. Faleminderit Erjon Veliaj, për kujdesin dhe suportin tuaj në vazhdimësi,ndaj studentëve dhe aktivitetit të Federatës Shqiptare të Sportit Universitar.

Presidenti i FSHSU ,Z.Besnik Veliu, në kuader të partneritetit me projektin e EUSA(Shoqata Europiane E Sportit Universitar),të titulluar “Qyteti,Universiteti,Sporti.”, ftoi në Tiranë:

• Z.Adam Roczek,Presidenti i EUSA
• Z.Jacek Sutryk ,kryetar i bashkisë së qytetit të Wrocław,i cili është përzgjedhur nga EUSA si një nga qytetet që do të jetë pjesë e këtij projekti
• Marian Dymalski,zëvendes president i FISU(Federata Ndërkombëtare e Sportit Universitar)
• Marcin Przychodny,drejtor i terreneve sportive dhe stadiumit të Wrocław.

Qëllimi i projektit është të vlerësojë dhe të demonstrojë bashkëpunimin midis pushtetit vendor dhe universitetit në kuadër të sportit universitar . Në secilin prej anëtarëve të EUSA ,do të vlerësohet një qytet. Nga data 30 shtator deri më 3 tetor ,u organizua vizita studimore e përfaqsuesve të EUSA dhe të pushtetit vendor ,ku është planifikuar të realizohet edhe një takim me kryetarin e bashkisë z.Erjon Veliaj ,pasi Tirana do të mirëpres vitin tjetër (26 qershor -5 korrik ) Kampionatin Europian Universitar Të Futbollit(m+f),më të madh të organizuar ndonjëherë në Shqipëri.

Dita nderkombetare e sportit Universitar-IDUS & Be-Active! Pasioni dhe dashuria për sportin është ajo çka duhet të trashegohet ndër vite ne jeten akademike Studentore. Këto janë dhe synimet e ketyre diteve që nxisin jetesën e shëndetshme dhe mirqënien e studentëve por edhe e të gjitha moshave. Andaj, Akademia e vullnetareve FSHSU, organizoi një aktivitet në lojën e 3×3 Basketball ne qender te Tiranes. Teksa luanin, pranë tyre u bashkangjitën edhe qytetarë të tjerë dhe internacional. Jemi shumë të lumtur që nëpërmjet këtij aktiviteti, te transmetonim vlerat e sportit edhe ne komunitet!

Në këto ditë kaq të veçanta dhe të plotëkuptimta,u organizuan disa aktivitete te ndryshme me të gjithë pjesmarresit e konventës në EUSA. Të gjitha moshat ishin tëperfshira ne sporte te ndryshme si voleyball,basketball apo badminton. Internatioanl day of university sport(IDUS) dhe ditët e BE ACTIVE janë një mundësi e mirë të na bëjnë të drejtohemi drejt një jete më aktive dhe drejt zgjedhjeve më të shëndetshme.